Azərbaycan yunan-Roma komandası hazırlığa başladı

Son mərhələyə start verildi

Oktyabrın 14-də milli yunan-Roma güləşi komandası dünya çempionatına hazırlığın son mərhələsinə başlayıb. Hazırlıq prosesi baş məşqçi Məhəmməd Bəna və məşqçilər Bəhruz Həzrətipur, Rəsul Cəziinin rəhbərliyi altında keçirilir.

Toplaşmanın əsas məqsədi taktiki-texniki məşqlər və rəqiblərin təhlili üzərində işləməkdir. Məşqçilər heyətinin planına uyğun olaraq idmançılar fərdi və komanda səviyyəsində hazırlıq keçəcəklər.

Təlim-məşq toplanışına aşağıdakı güləşçilər cəlb olunublar:

• 55 kq: Eldəniz Əzizli, Emin Cavadlı
• 60 kq: Murad Məmmədov, Nihad Quluzadə
• 63 kq: Nihat Məmmədli, Tural Əhmədov
• 67 kq: Həsrət Cəfərov, Məhəmməd Qasımzadə
• 72 kq: Ülvü Qənizadə, Fəraim Mustafayev
• 77 kq: Sənan Süleymanov, Davud Məmmədov, Cavidan Nehmətov
• 82 kq: Qurban Qurbanov
• 87 kq: İslam Abbasov, Laçın Vəliyev, Emil Abasov
• 97 kq: Murad Əhmədiyev
• 130 kq: Sərxan Məmmədov, Beka Kandelaki

Qeyd edək ki, yunan-Roma güləşi üzrə dünya çempionatı Qazaxıstanın paytaxtı Astanada oktyabrın 24-dən 27-dək keçiriləcək.

Mənbə: GettoSport