Azərbaycanlı karateçilər Afinada dünya kubokunda parlayıb

Azərbaycanın Vado-Ryu karate üslubu üzrə milli komandası Yunanıstanın paytaxtı Afinada keçirilən dünya kubokunda üç medal qazanıb. Oktyabrın 23-dən 25-dək davam edən beynəlxalq turnirdə idmançılarımız bir gümüş və iki bürünc medala sahib olublar.

Yarışda fərqlənən karateçilərimizin siyahısı aşağıdakı kimidir:

• İmran İsmayılzadə (21 yaşadək, 75 kq) – gümüş medal
• Uğur Quliyev (16-17 yaş, 67 kq) – bürünc medal
• Maarif Xurşudov (böyüklər, 80 kq-dan yuxarı) – bürünc medal

Qeyd edək ki, dünya kubokunda Azərbaycan yığması baş məşqçi Vilayət Əmirovun rəhbərliyi altında mübarizə aparıb.

Mənbə: GettoSport