Blessinq Olabiran Azərbaycandakı çempionatın yüksək səviyyəli olduğunu dedi

27 oktyabr 2026 — Kəpəzin yay fasiləsində heyətinə qatdığı 28 yaşlı nigeriyalı forvard Blessinq Olabiran Azərbaycan çempionatını yüksək qiymətləndirib. O, ölkədəki futbolun səviyyəsinin və infrastrukturun yaxşı olduğunu bildirib.

Olabiranın sözlərinə görə, Azərbaycana gəlmədən əvvəl Serbiya, Özbəkistan, Ukrayna, Rusiya, Belarus, Rumıniya və Xorvatiya daxil olmaqla yeddi ölkədə çıxış edib və müxtəlif futbol mədəniyyətlərini yaxından müşahidə edib. Buna baxmayaraq, hazırkı diqqətini Azərbaycana yönəltdiyini vurğulayıb.

28 yaşlı forvard deyib: "İlk növbədə deməliyəm ki, buradakı futbolun səviyyəsi həqiqətən yüksəkdir. Azərbaycanda yaxşı və möhtəşəm futbol azarkeşləri var. Həmçinin yaxşı stadionlarımız və digər infrastrukturlarımız mövcuddur."

O, liqadakı yerli və əcnəbi oyunçuların keyfiyyətini, çempionatın rəqabətini qeyd edib və Azərbaycandakı komandaların son illərdə Avropada uğurlu çıxışlarını liqanın səviyyəsinin göstəricisi sayıb: "Mənim fikrimcə, Azərbaycan çempionatı həqiqətən yaxşıdır və yüksək səviyyəli liqadır."

Mənbə: GettoSport