U-20 cüdoçular Bakı birinciliyində komandalar müəyyənləndi

27 oktyabr 2026 — Abşeron Olimpiya Kompleksində U-20 cüdo üzrə Bakı şəhər birinciliyi keçirildi. Turnirdə 34 klub və idman cəmiyyəti təmsil olunub, ümumilikdə 200 cüdoçu (162 oğlan, 38 qız) 13 çəki dərəcəsində qüvvəsini sınayıb.

Yekun komanda hesabında Judo Club 2012 üç qızıl, bir gümüş və beş bürünc medalla birinci gəlib. Neftçi İK iki qızıl, üç gümüş və üç bürünc medalla ikinci, Azəri-Cüdo İKİB isə iki qızıl və bir bürünc medalla üçüncü yeri tutub. Qaliblərə və digər mükafatçılara müvafiq kubok və medallar təqdim olunub.

Yarışın keçirilməsində əsas məqsəd kvotalar əsasında ölkə birinciliyində iştirak edəcək idmançıları müəyyənləşdirmək olub.

Mükafatçılar

Qızlar

• 48 kq: Fatimə Abdullayeva (Azəri-Cüdo İKİB); Xədicə Abdullayeva, Məxfirə Hüseynova (Bakı şəhəri 13 nömrəli İOEUGİM)
• 52 kq: Nərmin Ağamirzəzadə (RKİM); Xədicə Namazlı, Leyla Əliyeva, Gülay Haqverdiyeva
• 57 kq: Tövsiyyə Babayeva (Qəbələ Bakı); Qızılgül Əkbərova (AHİTA); Yasəmən Əkbəri, Şəfiqə Əhmədova
• 63 kq: Zəhra Hüseynzadə (Xəzri İK); Leyla Məcidova (Bakı şəhəri 13 nömrəli İOEUGİM); Əsma Manaflı, İlahə Əzizzadə
• 70 kq: Lalə Pənahova (Bakı şəhəri 13 nömrəli İOEUGİM); Mələk Bayramlı (DİN İC); Şəbnəm Əhmədova
• 78 kq: Zemfira Əliyeva (Spartak Wrestle Zone); Zəhra İbadova (Neftçi İK)

Oğlanlar

• 60 kq: Bahadır Feyzullayev, Mirxaliq İskəndərov (Neftçi İK); Rüstəm Qasımzadə (Kano PİK); Ömər Zamanlı (Atilla İK)
• 66 kq: Kənan Məmmədov (Neftçi İK); İsmayıl Əlipənahov (RKİM); Sənan Piriyev, Ümüd Qurbanov
• 73 kq: Sadiq İsgəndərli, Nihad Yəhyayev (Judo Club 2012); Kənan Rəhimov, Yusuf Nəzər
• 81 kq: Əhməd Mehdiyev (Atilla İK); Amin Mehdiyev; Ayxan Ələkbərov; Cahandar Haqverdiyev
• 90 kq: Hüseyn Səfərov (Sərhədçi İM); Osman Səlimov; Amir Xəzriyev; Qəzənfər Kazımlı
• 100 kq: Tunar Fərzəliyev (Judo Club 2012); Raul İmanov; Fərid İsmayılov
• +100 kq: Cavidan Məsimov (Azəri-Cüdo İKİB); Əli Vəliyev; Elşən Fərzəliyev; Ömər Hacılı

Turnirdə çıxış edən idmançıların nəticələri əsas götürülərək ölkə birinciliyində iştirak edəcək namizədlərin kvotaları müəyyənləşəcək.

Mənbə: GettoSport