Canni İnfantino Bakıda Sabah–Qarabağ oyununu bəyənib

2 noyabr 2026 — FİFA prezidenti Canni İnfantino Bakıdakı Misli Premyer Liqasının 9-cu turunda keçirilən Sabah–Qarabağ oyununu (0:0) izləyib və şəxsi Instagram hesabında qarşılaşma ilə bağlı paylaşım edib. Bu barədə Sportinfo.az məlumat yayıb.

İnfantino paylaşımında matçdan məmnunluğunu bildirərək yazıb: "Bakıda Azərbaycan futbolunun necə gözəl nümayişinin şahidi olduq! 'Sabah' və 'Qarabağ' gərgin mübarizə şəraitində keçən oyunda xalları bölüşdülər."

O, həmçinin oyunu hökumət və futbol rəsmiləri ilə birlikdə izlədiyini qeyd edib. Matçda Azərbaycanın iqtisadiyyat naziri Mikayıl Cabbarov, AFFA prezidenti Rövşən Nəcəf, FİFA Şurasının üzvü və Cibuti Futbol Federasiyasının prezidenti Süleyman Həsən Vaberi, FİFA Şurasının üzvləri Yohanna Vud və Rodolfo Vilyalobos, eləcə də "Sabah"ın prezidenti Maqsud Adıgözəlov iştirak ediblər.

İnfantino azarkeşlərə və hər iki kluba "belə möhtəşəm atmosfer yaratdıqlarına görə" təşəkkürünü çatdırıb və paylaşımında bu səhnənin futbolun insanları birləşdirdiyini vurğulayıb: "Bu, futbolun insanları necə birləşdirdiyini və sevinc bəxş etdiyini bir daha sübut etdi".

Mənbə: Sportinfo.az

Hazırladı: GettoSport