Canni İnfantino Bakıda U-15 turnirində 189 komandanı vurğuladı

24 oktyabr 2026-cı il, Bakı — FIFA prezidenti Canni İnfantino Bakıda keçirilən U-15 dünya çempionatı və festivalının açılış mərasimində tədbirin dünyanı bir araya gətirdiyini və gənc istedadlara şans verilməsinin vacibliyini bildirib.

İnfantino çıxışında turnirin miqyasına diqqət çəkib və statistik rəqəmləri səsləndirib: tədbirdə 189 ölkədən komanda, 3 mindən çox oyunçu və rəsmi şəxs iştirak edir, çərçivəsində təxminən 1000 oyun keçiriləcək.

“FIFA üçün dünyanın hər guşəsindəki istedadlara özlərini təsdiq etmək şansı vermək mühümdür. Biz hər bir ölkəyə böyük hədəflər qurmaq imkanı yaratmalıyıq. U-15 dünya çempionatı və festivalı həqiqətən də dünyanı bir araya gətirir. İlk dəfədir ki, Bakıda 189 komandanı, 3 mindən çox oyunçu və rəsmi şəxsi bir araya toplayırıq”.

FIFA rəhbəri həmçinin turnirin yüksək səviyyədə təşkilinə görə Azərbaycan Respublikasının Prezidenti İlham Əliyevə, onun komandasına və təşkilatçılara minnətdarlığını bildirib.

Mənbə: GettoSport