Canni İnfantino Bakıya gəlib, U-15 dünya festivalını izləyəcək

24 oktyabr 2026 — FIFA prezidenti Canni İnfantino U-15 dünya çempionatı və festivalında iştirak etmək üçün Bakıya gəlib. Turnir oktyabrın 24-də start götürür və ilk oyunlar saat 09:00-da başlayacaq.

Hava limanında İnfantinonu AFFA prezidenti Rövşən Nəcəf və vitse-prezident Elşad Nəsirov qarşılayıblar. Paytaxtdakı səfərindən məmnunluğunu İnfantino özünün Instagram hesabında paylaşaraq ifadə edib: “Bakıda AFFA prezidenti Rövşən Nəcəf tərəfindən səmimi qarşılandım. Bütün iştirakçılara uğurlar arzulayıram. Futbolun dünyanı bir daha birləşdirəcəyi möhtəşəm həftəni səbirsizliklə gözləyirəm”.

Oktyabrın 24-də keçiriləcək ilk qarşılaşmaların böyük hissəsi Hövsanda inşa edilmiş yeni futbol kompleksində təşkil olunacaq. Açılış mərasimi isə saat 19:00-da Baku Crystal Hall-da baş tutacaq; burada Azərbaycan millisi turnirin ilk oyununda iştirak edəcək.

Qeyd edilir ki, İnfantino sentyabrın sonunda da Bakıda olub və yarışın hazırlanması ilə yerində tanış olmuşdu.

Mənbə: GettoSport