Canni İnfantino Sabah—Qarabağ oyununu təriflədi

FIFA prezidenti Canni İnfantino oktyabrın 28-də şəxsi Instagram hesabında 25 oktyabr 2026-cı il tarixində Mərdəkandakı Sabah Arena-da keçirilən "Sabah"—"Qarabağ" oyununu tərifləyib və matçın atmosferini yüksək qiymətləndirib.

İnfantino paylaşımında bildirib: "Bakıda keçirilən rəqabətli oyunda 'Sabah' və 'Qarabağ' xalları bölüşərək Azərbaycan futbolunun nə qədər möhtəşəm olduğunu nümayiş etdiriblər." O, həmçinin stadionda Azərbaycan Respublikasının iqtisadiyyat naziri Mikayıl Cabbarov, AFFA prezidenti Rövşən Nəcəf, FIFA Şurasının üzvü və Cibuti Futbol Assosiasiyasının prezidenti Süleyman Hassan Vaberi, FIFA Şurasının üzvləri Yuhanna Vud və Rodolfo Vilyalobos, eləcə də "Sabah" klubunun prezidenti Maqsud Adıgözəlov və digər qonaqların olduğunu qeyd edib.

İnfantino paylaşımında həmçinin hər iki kluba və azarkeşlərə təşəkkür edib: "Belə möhtəşəm atmosfer yaradaraq futbolun insanları necə birləşdirdiyini və sevinclə əhatə etdiyini bir daha sübuta yetirdiklərinə görə hər iki kluba, bütün azarkeşlərə təşəkkür edirəm."

Qeyd edək ki, Misli Premyer Liqasının IX turunda keçirilən həmin oyun 25 oktyabr 2026-cı il tarixində 0:0 hesabı ilə başa çatıb.

Mənbə: GettoSport