Devid Bekhem FIFA prezidentliyinə namizəd ola bilər

19 oktyabr 2026 — İngiltərənin keçmiş futbol ulduzu Devid Bekhemin FIFA prezidentliyinə namizəd ola biləcəyi iddia edilir. Məlumatda onun hazırkı rəhbər Canni İnfantinoya rəqib ola biləcəyi vurğulanır.

İddialara görə, UEFA və onun müttəfiqləri FIFA rəhbərliyində dəyişiklik etmək istəyirlər və Bekhem bu dəyişiklik üçün mümkün namizədlərdən biri sayılır.

Bekhemin qlobal şöhrəti, beynəlxalq əlaqələri və ABŞ-ın “İnter Mayami” klubundakı idarəçilik təcrübəsi onun namizədlik perspektivlərini gücləndirən əsas amillər kimi qeyd olunur.

Keçmiş futbolçu daha əvvəl FIFA-dakı korrupsiya qalmaqallarını tənqid edərək onları "iyrənc" adlandırıb. Hələlik Bekhemin rəsmi namizəd olub-olmayacağı bəlli deyil; namizədlərin irəli sürülməsi üçün son tarix 18 noyabrdır. Eyni zamanda Canni İnfantinonun gələn il dördüncü müddətə seçilməyə çalışacağı gözlənilir.

Mənbə: GettoSport