Dmitri Qrebenşikov Bakıda qızıl medal qazandı

5 noyabr 2026 — Bakı İdman Akademiyasının stadionunda keçirilən yanğın‑xilasetmə idmanı üzrə dünya çempionatında (kişilər XXI, qadınlar XII) ilk mükafatçılar müəyyənləşib. Bu barədə Sportinfo.az məlumat yayıb.

Kişilər arasında hücum nərdivanı ilə 4-cü mərtəbəyə qalxma növündə ilk üç yeri Rusiya idmançıları tutublar. Dmitri Qrebenşikov qızıl, Zelimxan Kubayev gümüş, Stanislav Titorenko isə bürünc medal əldə edib.

Qadınların hücum nərdivanı ilə 2-ci mərtəbəyə qalxma növündə isə birincilik Mariya Katasevaya (Rusiya), ikincilik Aleksandra Lasenkovaya (Belarus), üçüncülük Yekaterina Sidorenkoya (Rusiya) nəsib olub.

Çempionat çərçivəsində idmançılar dörd əsas növ üzrə mübarizə aparırlar: hücum nərdivanı ilə tədris qülləsinin ikinci və dördüncü mərtəbələrinə qalxma, 100 metr məsafəyə maneəli qaçış, 4x100 metr yanğın estafeti və döyüş açılışı.

Mənbə: Sportinfo.az

Hazırladı: GettoSport