Dok Rivers: Yannis Antetokunmpo ilə işləmək çətindir

6 noyabr 2026 — Şöhrət Zalının üzvü Dok Rivers Yannis Antetokunmpo ilə işləməyin çətin olduğunu açıqlayıb. Rivers bildirib ki, Antetokunmpo meydançada daima yüksək tempdə oynayır və əsasən birbaşa səbətə doğru irəliləməyi üstün tutur. Bu barədə Offsideplus.az məlumat yayıb.

Riversin sözlərinə görə, Yannis yaxşı ötürmə bacarığına malik olsa da, onun basketbol baxımından “qeyri-adi intellekt”ə sahib olmadığını düşünür: "Onunla işləmək çətindir. Yannis daim səbətə doğru gedir, tempini heç vaxt aşağı salmır. Mən bir dəfə demişdim ki, Yannis yaxşı ötürmələr edir, amma basketbol baxımından qeyri-adi intellektə malik deyil. Onun əsas yolu irəli getmək və rəqibi güclə üstələməkdir. Bəzən istəyirəm ki, o, fərqli qərar versin, daha yaxşı kombinasiyalar qursun. ABŞ-da belə oyunçular çoxdur, onlar fərdi bacarıqları ilə hər şeyi həll edirlər və kombinasiyalara ehtiyac duymurlar. Amma bu, komandanın xeyrinə deyil. Mən bunu Yannisə də demişəm. Düşünürəm ki, o, hələ də məşqçi tapşırıqlarının əhəmiyyətini tam dərk etməlidir. İndi onun yanında bu sahədə çox güclü bir məşqçi var."

Dok Rivers və Antetokunmpo "Miluoki Baks"da 2023/24 mövsümünün ortasından 2025/26 mövsümünün sonuna qədər birlikdə işləyiblər. Bu müddət ərzində komandanın nəticəsi 97 qələbə, 103 məğlubiyyət olub və son 10 ildə ilk dəfə pley-offa vəsiqə qazana bilməyiblər.

Riversin fikirləri Antetokunmpo ilə yanaşı klubun oyun tərzi və məşqçi–oyunçu münasibətləri barədə də mübahisələrə yol açır; o, oyunçunun məşqçi tapşırıqlarını daha ciddi qəbul etməsinin vacib olduğunu vurğulayıb.

Mənbə: Offsideplus.az

Hazırladı: GettoSport