Əfran İsmayılov Səbaildə fəaliyyətə başlayıb

5 noyabr 2026 — Şəfa klubunun vitse-prezidenti Əfran İsmayılov iyun ayından etibarən eyni zamanda Səbail klubunda da qeyri-rəsmi fəaliyyətə başlayıb. Bir neçə gündür orada işləyən İsmayılov dünən komandanın qaldığı oteldə idarəçilər və məşqçilərlə görüşərək onlarla uzun müzakirələr aparıb və birlikdə Çempionlar Liqasının oyunlarını izləyib. Bu barədə Sportinfo.az məlumat yayıb.

Mənbələr bildirir ki, İsmayılov Səbaildə klub rəhbərinin müşaviri kimi gündəlik işlərə qarışır, demək olar hər gün görüşlər keçirir və I Liqa təmsilçisinin gündəlik işlərinə nəzarət edir.

Əfran İsmayılovun Şəfa ilə bağlı təcrübəsi yeni deyil: o, əvvəlcə «Araz-Naxçıvan»da baş məşqçi işlədiyi üç il ərzində eyni zamanda Şəfa klubunda söz sahibiydi və Naxçıvan təmsilçisindən maaş alarkən Şəfanın idarəçiliyini öz əlində saxlayırdı. «Araz»ın büdcəsi azaldıqdan sonra onun Şəfada rəsmi təyinatı baş tutub.

Hazırda Şəfanın maliyyə vəziyyəti yaxşı deyil — klub iki aydan çoxdur ki, əməkhaqqıları ödəməyib.

Mənbə: Sportinfo.az

Hazırladı: GettoSport