Eldəniz Əzizli beşinci dəfə dünya çempionluğu və karyera planlarını açıqladı

25 oktyabr 2026, Astana — Qazaxıstanın paytaxtında keçirilən dünya çempionatında beşinci dəfə dünya çempionu olan Azərbaycan güləşçisi Eldəniz Əzizli turnirdən sonra təəssüratlarını və karyera planlarını bölüşüb.

Görüşlər və gələcək planlar

Əzizli yarımfinal və finaldakı rəqiblərini ən çətin görüşlər adlandırıb və uzunmüddətli təcrübəsinin bu uğura təsir etdiyini vurğulayıb: "Beşqat dünya çempionu olmaq sözdə asan görünür. Mən artıq 27-28 ildir ki, mübarizə aparıram. Yarımfinal və finaldakı rəqiblərim dünyaya gələndə mən artıq Avropa çempionu idim."

O, bu il komandası ilə çox çalışdıqlarını və əvvəlki dünya çempionatında tutduğu üçüncü yerin onu qane etmədiyini bildirib: "Bu il çox çalışdıq, vuruşduq və şükürlər olsun ki, çempion oldum. Ötən dünya çempionatında üçüncü olmuşdum, lakin bu nəticə məni qane etmirdi."

Gələcək karyera barədə suallara cavab olaraq Əzizli dərhal qərar verməyəcəyini qeyd edib: "Karyeramı davam etdirib-etdirməyəcəyimə gəlincə, indidən bir söz demək çətindir. Şəxsi məşqçim, federasiya və məşqçilər korpusu ilə müzakirələrdən sonra yekun qərarı açıqlayacağıq."

Ustad pəhləvan taktiki planı və matçın gedişindən də danışıb: "Ən çətin görüşlərim yarımfinal və finalda oldu. Bakıda rəqibləri təhlil edərkən bunu bilirdik. Hər şey plana uyğun getdi. Xalçaya çıxanda çempion olacağıma inanırdım. Rəqibə passivlik verildikdən sonra 70-80 faiz qalib gələcəyimi anladım. Taktikam ilk xalı götürmək idi."

Mənbə: GettoSport