Elmar Cəfərov DTX əməliyyatı ilə saxlanılıb

26 oktyabr 2026-cı il tarixində Bakıda baş vermiş kütləvi davada Ceyhun adlı şəxsin öldürülməsi faktı ilə əlaqədar Dövlət Təhlükəsizliyi Xidmətinin (DTX) keçirdiyi əməliyyat nəticəsində hadisəni törətməkdə şübhəli bilinənlər saxlanılıb; saxlanılanlar arasında MMA idman ustası Elmar Cəfərov da var.

Qeyd olunub ki, Elmar Cəfərov hadisə yerindən qaçan şəxslərdən olub. O, 2015-ci ildə Antalya şəhərində Kempo əlbəyaxa döyüş növü üzrə dünya çempionu, 2018-ci ildə isə Bakıda Budo əlbəyaxa döyüş növündə dünya kubokunun sahibi olub.

Yayılan məlumatda Elmardan başqa “Sabunçu Emin” ləqəbli şəxsin də hadisə yerindən qaçdığı və gizləndiyi, DTX-nin əməliyyatı nəticəsində həmin şəxslərin saxlanıldığı bildirilib. Həmçinin hadisəni təşkil edən görüşün deputat Arzuxan Əlizadənin oğlu Əhməd tərəfindən təşkil olunduğu qeyd edilib.

Hadisə ilə bağlı ümumilikdə 9 nəfərin saxlanıldığı vurğulanıb. İctimaiyyətdə yayılan fotolarda Elmar Cəfərov və “Sabunçu Emin” göstərilib.

Faktla bağlı cinayət işi açıldığı və ilkin istintaq-əməliyyat tədbirlərinin davam etdiyi bildirilir.

Mənbə: GettoSport