Elşən Quliyev və Nərmin Quliyeva Portuda konfransdadır

Azərbaycan Atletika Federasiyasının "Qaçış hər kəs üçün" Komitəsi sədrinin müavini Elşən Quliyev və Zəfər Qaçış Klubunun Media və İnkişaf şöbəsinin direktoru Nərmin Quliyeva noyabrın 6–8-də Portuqaliyanın Portu şəhərində keçirilən "European Running Business Conference" (ERBC 2026) tədbirində iştirak edirlər. Bu barədə Sportinfo.az məlumat yayıb.

Konfransda müxtəlif ölkələrdən qaçış təşkilatçıları, federasiya nümayəndələri, atletika mütəxəssisləri və media təmsilçiləri bir araya gəlib. Tədbir çərçivəsində iştirakçılar təcrübə mübadiləsi aparır, sahədəki yenilikləri müzakirə edir və beynəlxalq əməkdaşlıq imkanlarını genişləndirməyi hədəfləyirlər.

Elşən Quliyev və Nərmin Quliyeva beynəlxalq müzakirələr və şəbəkələşmə sessiyalarında iştirak edərək yerli təşkilatların təcrübəsini paylaşır və potensial əməkdaşlıq istiqamətlərini araşdırırlar. Konfrans noyabrın 8-də yekunlaşacaq.

Mənbə: Sportinfo.az

Hazırladı: GettoSport