Felipe Santosun Qəbələyə transferi klub tərəfindən rədd edildi

Oktyabrın 23-də Araz-Naxçıvanla oyunda 2:1 hesabı ilə qələbə qazanan Qəbələ ilə bağlı yayılan xəbərlərə aydınlıq gətirilib. Braziliyalı hücumçu Felipe Santosun yenidən Qəbələyə qaytarılacağı iddialarını klub rəsmisi təkzib edib.

Qəbələnin mətbuat katibi Elnur Məmmədli çıxan məlumatları yalanlayaraq bildirib: “Artıq 12 legioner transfer etmişik. 13-cü legioner üçün əlavə rüsum ödəmək lazımdır. Buna görə də daha bir legioner transfer etməyəcəyik”.

Qeyd edək ki, mövcud rəsmi heyət siyahısında aşağıdakı legionerlər yer alır:

• Artur Motta
• Natan Monzanqo
• Kouya Mabea
• İsaak Amoah
• Edson Eduardo
• Endri Çekici
• Xayme Syerra
• Bruno Silva
• Meşak Uboçioma
• İsmaheel Akinade
• Karim Rossi
• Rafael Utziq

Benin millisinin üzvü Felipe Santos hazırda Taylandın Bangkok United klubunda çıxış edir. Futbolçu karyerası ərzində Azərbaycanda Qəbələ, Şamaxı və Araz-Naxçıvan klublarının da formasını geyinib.

Mənbə: GettoSport