Fərid Qayıbov oktyabrda beynəlxalq uğur qazanmış idmançılarla görüşdü

04 noyabr 2026 — Gənclər və İdman naziri Fərid Qayıbov oktyabr ayında beynəlxalq yarışlarda yüksək nəticələr əldə etmiş idmançılarla Azərbaycan İdman Akademiyasında görüşüb. Tədbir Dövlət Himninin səsləndirilməsi ilə başlayıb. Bu barədə Sportinfo.az məlumat yayıb.

Nazir çıxışında idmançıların beynəlxalq arenalardakı uğurlarını yüksək qiymətləndirib və onları, eləcə də məşqçilərini təbrik edib. O, oktyabr ayı ərzində Azərbaycan Respublikasının Dövlət Himninin 17 ölkədə səsləndiyini qeyd edib.

Məlumata görə, idmançılar ümumilikdə 51 qızıl, 43 gümüş və 74 bürünc medal qazanıblar. Görüşdə beynəlxalq arenalarda qazanılmış nailiyyətləri əks etdirən videoçarx nümayiş olunub, müxtəlif idman növlərinin nümayəndələri iştirak etdikləri yarışlar və əldə etdikləri nəticələr barədə məlumat veriblər.

Tədbirin sonunda Fərid Qayıbov idmançılara qarşıdakı yarışlarda daha böyük uğurlar və qələbələr arzulayıb. Görüşdə nazirin mentoru olduğu bildirən, "Yüksəliş" müsabiqəsinin qalibi və Ədliyyə Nazirliyinin Tibb Baş İdarəsinin poliklinika rəisi Ramil Hüseynzadə də iştirak edib.

Mənbə: Sportinfo.az

Hazırladı: GettoSport