Fərid Qayıbov sentyabrın uğurlu idmançılarına vəsiqə təqdim etdi

2026-10-08 — Oktyabrın 7-də Gənclər və İdman Naziri Fərid Qayıbov Azərbaycan İdman Akademiyasında sentyabr ayı ərzində beynəlxalq yarışlarda yüksək nəticələr göstərmiş idmançılarla görüşərək onlara “İdman ustası” dərəcəsinə uyğun vəsiqə və döş nişanları təqdim edib.

Tədbirin detalları

Görüşdə nazir idmançıları və onların məşqçilərini təbrik edib və beynəlxalq arenalardakı uğurları yüksək qiymətləndirib. Bildirilib ki, sentyabr ayında Azərbaycanın Dövlət Himni 16 ölkədə səsləndirilib.

İdmançılar ümumilikdə 72 qızıl, 48 gümüş və 71 bürünc medal qazanıblar. Tədbirdə beynəlxalq uğurları əks etdirən videoçarx nümayiş olunub, müxtəlif idman növlərinin nümayəndələri iştirak etdikləri yarışlar və əldə etdikləri nəticələr barədə məlumat veriblər.

Fərid Qayıbov idmançılara qarşıdakı yarışlarda daha böyük uğurlar və qələbələr arzulayıb.