FIFA U-15 Dünya Çempionatı Bakıda keçiriləcək

17 oktyabr 2026, Şənbə — Azərbaycan 22–30 oktyabr 2026-cı il tarixlərində ilk dəfə FIFA U-15 Dünya Çempionatı və Festivalına ev sahibliyi edəcək. Turnir dünyanın müxtəlif ölkələrindən gənc futbolçuları Bakıda bir araya gətirəcək.

Turnirin keçirilməsi üçün yarış və tədbir məkanlarında qısa müddət ərzində genişmiqyaslı hazırlıq işləri aparılıb. Zəruri infrastrukturun yaradılması və təşkilati proseslərin təmin edilməsi istiqamətində tədbirlər həyata keçirilib.

Tədbirə hazırlıq çərçivəsində hazırlanmış promo videoda hazırlıq mərhələsindən müxtəlif kadrlar, görülən işlərin həcmi və qarşıdan gələn turnirin Bakıda yaratdığı futbol atmosferi əks olunub.

FIFA U-15 Dünya Çempionatı və Festivalı gənc oyunçuları beynəlxalq mühitdə bir araya gətirməklə yanaşı, Azərbaycanın dünya futbolunun yeni nəslinə ev sahibliyi etməsi baxımından da əhəmiyyətli hadisə olacaq.

Mənbə: GettoSport