Gəncədə voleybol festivalı keçirildi, Gəncə VK heyəti təqdim olundu

8 oktyabr 2026 — Gəncə şəhərində Gəncə Şəhər İcra Hakimiyyəti, Azərbaycan Voleybol Federasiyası və Gəncə Voleybol Klubunun təşkilatçılığı ilə ilk dəfə voleybol festivalı keçirildi. Tədbir "Voleybolun nəbzi Gəncədə döyünür!" şüarı altında təşkil olunmuşdu.

Festivalın əsas məqsədi Gəncədə voleybolun təbliği, uşaqlar və yeniyetmələr arasında bu idman növünə marağın artırılması və sağlam həyat tərzinin təşviqi idi. Proqram çərçivəsində peşəkar voleybolçuların iştirakı ilə ustad dərsləri keçirilmiş, dostluq oyunu təşkil olunmuşdu.

10–14 yaşlı uşaqlar arasında mini voleybol turniri baş tutmuş, iştirakçılar üçün müxtəlif bacarıq və əyləncə fəaliyyətləri təşkil edilmişdi. İzləyicilər sevimli idmançılarla görüşüb avtoqraf almış, xatirə şəkilləri çəkdirmişdilər. Festival zamanı fləşmob da keçirilməklə tədbirin rəngarəngliyi artırılmışdı.

Tədbirin xüsusi məqamlarından biri Gəncə VK-nın 2026–2027 mövsümü üçün formalaşdırılan heyətin azarkeşlərə təqdim olunması oldu. Festivalın sonunda iştirakçılar üçün xüsusi konsert proqramı təşkil edilmişdi.