Hansi Flik Real Madridlə oyundakı məğlubiyyəti şərh etdi

"Barselona"nın baş məşqçisi Hansi Flik İspaniya La Liqasının 10-cu turunda "Real Madrid"ə 1:2 hesabı ilə uduzduqları oyundan sonra komandasının çıxışını dəyərləndirib. Almaniyalı mütəxəssis ardıcıl iki matçda məğlub olmağın narahatedici olduğunu vurğulayıb.

Çempionlar Liqasında PSJ ilə görüşün ardından çempionatda da uduzduqlarını xatırladan baş məşqçi oyunun gedişatına toxunub:

"İki məğlubiyyət ardıcıl baş verdi — bu bizi qane etmir, məyus olduq. Daha əvvəl Çempionlar Liqasında PSJ-yə də uduzmuşduq. Birinci hissədə yaxşı oynamadıq, ikinci hissədə, hesab 1:1 olarkən, irəliləyiş göstərdik. Lakin bizə təravət çatmadı. Bu, La Liqada ilk məğlubiyyətimizdir. Doqquz oyun ardıcıl qələbə qazanmışdıq, indi isə belə oldu. Məğlubiyyət idmanın bir hissəsidir. Vəziyyəti təhlil etməli və daha güclü olmalıyıq — bunu edəcəyik".

Flik qarşıdakı mərhələdə toparlanmalı olduqlarını və komandanın inkişaf etməli olduğunu bildirib:

"Düzgün reaksiya vermək vacibdir. Yüksək səviyyəli rəqibə qarşı oynadıq və "Real Madrid" topu itirdikdə çox ağıllı çıxış etdi. Son həftələr və "Betis"lə oyundan sonrakı dövr asan keçmədi. İndi istirahət etməli və bu məğlubiyyətə layiqli cavab verməliyik. Bunu edəcəyik. Məğlubiyyət dünyanın sonu deyil. Qarşıda uzun yol var və belə hallar baş verir. Bu, bizi düşünməyə və inkişaf etməyə vadar etməlidir".

Mənbə: GettoSport