İlkin Qırtımov Qəbələ U-19 komandasına köməkçi olacaq

18 oktyabr 2026 — Ötən yay futbolçu karyerasını başa vuran İlkin Qırtımov yaxın vaxtlarda Qəbələ Futbol Akademiyasında çalışacaq. O, U-19 komandasının baş məşqçisi Famil Xəlilovun köməkçisi vəzifəsinə gətiriləcəyi gözlənilir, lakin tərəflər hələ rəsmi müqavilə imzalamayıb.

Zaqatala futbol məktəbinin yetirməsi olan Qırtımov məşqçiliyə başlamağı planlaşdırır və bu barədə qərarını verib. Rəsmi razılığın yaxın günlərdə gözlənildiyi bildirilib.

Futbolçu karyerası ərzində Qırtımov "Simurq" (klub fəaliyyətini dayandırıb), "Neftçi", "Kəpəz" və "Qəbələ"nin formalarını geyinib. Keçmiş müdafiəçi Azərbaycan millisi ilə 5 oyunda iştirak edib.

Mənbə: GettoSport