İmişli Fərid Namazovla müqaviləyə xitam verdi

13 oktyabr 2026 — Misli Premyer Liqasında çıxış edən İmişli klubu baş məşqçi Fərid Namazovla müqaviləyə zəif nəticələrə görə xitam verib. Klubun icraçı direktoru Aqşin Mürsəlov qərarın rəhbərlik iclasında qəbul olunduğunu bildirib.

Mürsəlovun sözlərinə görə, müqavilənin dayandırılması qarşılıqlı razılıq əsasında həyata keçirilib: “Heç bir ciddi səbəb yoxdur. Rəhbərliklə keçirilən iclasda komandanın oyunu və zəif nəticələri müzakirə olundu. Yekunda müqaviləyə qarşılıqlı razılıq əsasında xitam verilməsi barədə qərara gəldik. Bunu baş məşqçinin özü də istəyirdi”.

İcraçı direktor bu qərərin komandaya müsbət təsir edəcəyinə ümid etdiyini bildirib və yaxın günlərdə yeni baş məşqçinin adının açıqlanacağını qeyd edib. Köməkçilərlə bağlı hələlik konkret qərarın olmadığını söyləyən Mürsəlov əlavə edib ki, yeni baş məşqçi öz heyəti ilə gəlməyəcəksə, köməkçilər işlərinə davam edə bilərlər.

Qeyd olunur ki, Fərid Namazov bu ilin yayında İmişlinin baş məşqçisi təyin olunmuş və onunla bir illik müqavilə imzalanmışdı. Misli Premyer Liqasında yeddi turdan sonra İmişli dörd xalla 12 komanda arasında doqquzuncu sıradadır.

Mənbə: GettoSport