İsa De Miquelin ölümündən sonra İsa Ovono danışdı

5 noyabr 2026 — Andorra klubunun qapıçısı İsa Ovono, Bazar ertəsi keçirilən Andorra–Tenerife matçında baş verən toqquşma nəticəsində Tenerife hücumçusu İsa De Miquelin reanimasiya şöbəsinə yerləşdirildikdən sonra vəfat etməsindən sonra açıqlama verib. Bu barədə Offsideplus.az məlumat yayıb.

Ovono klubun yaydığı açıqlamada həyatının ən çətin günlərini yaşadığını bildirib: “Həyatımın ən çətin günlərini yaşayıram. Söz tapmaqda çətinlik çəkirəm və baş verənləri qəbul etmək mənim üçün çox ağırdır. Bilirəm ki, cavablandırılmalı çoxlu suallar olacaq və qarşıma çıxan hər şeylə ən böyük hörmət çərçivəsində üzləşəcəyəm. Amma hazırda, səmimi desəm, İsa və yaşadığımız ağrıdan başqa heç nə haqqında düşünə bilmirəm. Ruhun şad olsun, İsa”.

Mənbədə bildirildiyi kimi, toqquşmadan sonra De Miquel reanimasiya şöbəsinə yerləşdirilmiş və çərşənbə axşamı səhər saatlarında dünyasını dəyişmişdir. Hadisə nəticəsində Ovono sosial şəbəkələrdə təhqirlərə məruz qaldığından Instagram hesabını deaktiv edib.

“Andorra” klubu öz üzvlərinə psixoloji dəstək göstərildiyini açıqlayıb. İspaniya polisi De Miquelin ölümü ilə bağlı araşdırmaya başlayıb.

Mənbə: Offsideplus.az

Hazırladı: GettoSport