Joze Mourinyo Vinisiusu niyə ehtiyatda saxladığını açıqladı

“Real Madrid”in baş məşqçisi Joze Mourinyo futbolçu Vinisius Juniorun oyun vaxtını niyə məhdudlaşdırdığını açıqlayıb. Portuqaliyalı mütəxəssis La Liqanın səkkizinci turunda “Vilyarreal”la keçirilən 1:0 hesablı qarşılaşmada braziliyalı hücumçunu sonradan meydana buraxmaq qərarını şərh edib.

Mourinyonun sözlərinə görə, məqsəd oyunçunu böyük təzyiqdən qorumaq və yalnız gedişat tələb etdikdə şans vermək olub: “Mən Vinini böyük təzyiqdən bir qədər qorumaq və yalnız oyunun gedişi bunu tələb etdikdə meydana buraxmaq qərarına gəldim. Düşünürəm ki, bu yanaşma özünü doğrultdu. Bəzən narazılıqlarını bildirən azarkeşlər həmin anda onu böyük coşqu ilə dəstəklədilər. Fikrimcə, bu, onun üçün çox mühüm dönüş nöqtəsi oldu. Ehtiyat oyunçular skamyasından meydana daxil oldu və çox yaxşı oynadı”.

Baş məşqçi əlavə edib ki, matçın sonu qol və qırmızı vərəqə ilə yadda qalsa da, futbolçunun daxilində müsbətə doğru dönüş baş verib: “Təəssüf ki, hər şey vurulan qol və ardınca göstərilən qırmızı vərəqə ilə başa çatdı. Amma sanki onun daxilində nəsə dəyişmişdi. O, futboldan aldığı əsl sevinci yenidən hiss etməyə başladı və əslində necə möhtəşəm futbolçu olduğunu xatırladı”.

Xatırladaq ki, Vinisius həmin qarşılaşmada qırmızı vərəqə aldığı üçün dörd oyunluq diskvalifikasiyaya məruz qalıb.

Mənbə: GettoSport