Xavyer Tebas Real Madrid-i La Liqanın nüfuzuna zərbə vurmaqda ittiham etdi

16 oktyabr 2026 — La Liqa prezidenti Xavyer Tebas sosial şəbəkə hesabında Real Madrid-in onun dərhal istefasını tələb etməsinə münasibət bildirib və klub rəhbərliyini İspaniya çempionatının nüfuzuna zərbə vurmaqda ittiham edib.

Tebas paylaşımında Madrid klubunun bu addımını «təzyiq cəhdi» adlandırıb və onu «hədə-qorxu» kimi qiymətləndirib. O yazıb: “Bütün bunların bir adı var - hədə-qorxu. Bunu rəsmi bəyanat formasında təqdim etmək mahiyyətini dəyişmir.”

La Liqa rəhbəri həmçinin bildirib ki, son 13 il ərzində Real Madrid rəhbərlərinin neçə dəfə onun istefasını tələb etdiyini və ya vəzifədən uzaqlaşdırmağa çalışdıqlarını saymayacağını qeyd edib: “Artıq 13 il ərzində ‘Real Madrid’ rəhbərlərinin neçə dəfə istefamı tələb etdiklərini və ya məni vəzifədən uzaqlaşdırmağa çalışdıqlarını saymıram. Bugünkü bəyanat da onlardan biridir. Lakin cavablandırılmamış suallar hələ də qalır.”

Tebas Neqreyra işi ilə bağlı La Liqanın əvvəlcədən tədbir gördüyünü vurğulayıb və Real Madrid-i hakimlərə qarşı irəli sürdüyü ittihamları sübut etməyə çağırıb. O qeyd edib ki, hakimlik sistemində islahatlara ehtiyac var, amma bu islahatlar qurumların klub rəhbərliyinin istəklərinə uyğun hərəkət etməsi demək deyil.

Mübahisənin yaranmasına səbəb Tebasın Real Madrid TV-nin fəaliyyətini nasist Almaniyasının təbliğat mexanizmləri ilə müqayisə etməsi olub; bu müqayisəyə cavab olaraq Madrid klubu La Liqa prezidentinin dərhal istefasını tələb edib.

Mənbə: GettoSport