Jubitana: Dayana bilmərik, hələ hədəfimizə çatmamışıq

2 noyabr 2026 — Neftçinin surinamlı futbolçusu Denzel Jubitana 1 noyabrda Şamaxıda keçirilən Misli Premyer Liqasının 10-cu turunda Şamaxı səfərindən alınan 3:2 qələbəni şərh edib və komandanın hələ dayanmayacağını bildirib. Bu barədə Sportal.az məlumat yayıb.

Jubitana qələbədən məmnunluğunu ifadə edərək, komandaya töhfə verə bildiyi üçün sevindiyini qeyd edib: "Qələbədən çox məmnunuq. Bu, bizim üçün son dərəcə vacib idi. Həmçinin komandanın uğuruna töhfə verə bildiyim üçün şadam. Buna görə də məmnunam." O, buraxılan qolları şanssızlıqla əlaqələndirib və bildir edib ki, bir qol standart vəziyyətdən gəlib: "Bu kimi vəziyyətlərdə daha diqqətli olmalıyıq."

Futbolçu həmçinin komandanın hazırki mövqeyindən də danışıb: "Əsas odur ki, rəqibimizdən daha çox qol vurduq və qalib gəldik. Birinci yerə yüksəldik. Məqsədimiz də məhz bu idi. Ötən həftə sonu digər komandaların nəticələrini izləmişdik. Ona görə də hazırkı mövqeyimizdən çox məmnunuq. Amma dayana bilmərik, hələ son məqsədimizə çatmamışıq. Yaxşı işimizi davam etdirməliyik."

Jubitana qarşıdakı matça da toxunaraq Neftçinin növbəti rəqibi Kəpəzlə oyuna yaxşı hazırlaşacağını vurğulayıb.

Mənbə: Sportal.az

Hazırladı: GettoSport