Kəpəz azarkeşləri Palms Arenada sayca 300-ə çatacaq

5 noyabr 2026. Noyabrın 6-da Palms Sports Arena-da keçiriləcək Premyer Liqanın 11-ci turunun Neftçi–Kəpəz matçında qonaq komandanın azarkeşlərinin sayı təxminən 300-ü ötəcək. Bu barədə Sportinfo.az məlumat yayıb.

Gəncə təmsilçisinin cari mövsümdəki uğurlu çıxışı və Neftçinin çempionluq uğrunda mübarizəsi qarşılaşmaya marağı artırıb. Qonaq tərəfdən "Xəmsə", "Kəpəz Ultras" və "Zona 20" qruplarının üzvləri ilə birlikdə paytaxtda yaşayan tərəfdarlar da oyuna gələcək.

Klub tərəfindən Gəncədən gələn azarkeşlər üçün xüsusi avtobuslar ayrılıb. Məlumata görə, Gəncədən gələn təxminən 200 üzvə paytaxtdakı tərəfdarların da qoşulması ilə qonaq sektorunda yer tutanların ümumi sayı 300-ü keçəcək. Oyunun start fiti noyabrın 6-da saat 20:00-da səslənəcək.

Mənbə: Sportinfo.az

Hazırladı: GettoSport