Konseysau Ronaldo və Jezuş qarşıdurmasından danışdı

Portuqaliyalı məşqçi Serjiu Konseysau hücumçu Kriştiano Ronaldo ilə milli komandanın baş məşqçisi Jorje Jezuş arasında yaşanan qarşıdurmaya münasibət bildirib. Təcrübəli mütəxəssis mövcud durumun həssas olduğunu vurğulayaraq tərəflərdən heç birini müdafiə etməyəcəyini vurğulayıb.

Vətənində bu hadisəyə böyük diqqət yetirildiyini deyən Konseysau mövqeyini belə izah edib:

“Ölkəmdə bu, həssas mövzudur. Kriştiano əfsanədir, bütün dövrlərin ən böyük beş futbolçusundan biridir. Jezuş isə milli komandanın baş məşqçisi, böyük təcrübəyə malik yüksək səviyyəli mütəxəssisdir. Açığı, tərəflərdən birinin mövqeyini tutmağı ədalətsiz hesab edirəm”.

41 yaşlı Ronaldo baş məşqçinin vədlərinə xilaf çıxdığını irad tutaraq Portuqaliya yığmasının toplanışını tərk edib. Forvard buna baxmayaraq, tətbiq olunacaq cəzanı çəkdikdən sonra millidə oynamağa hazır olduğunu bildirib. Oktyabrın 19-da ulduz futbolçunun yığmanın qarşılaşmalarından 30 günlük kənarlaşdırıldığı və 255 avro cərimələndiyi məlum olub.

Qeyd edək ki, Konseysau sonuncu dəfə Səudiyyə Ərəbistanının Əl-İttihad klubuna rəhbərlik edib və 2026-cı il iyunun 1-də bu komandadan ayrılıb.

Mənbə: GettoSport