Kristian Telyo Yamalı Mbappedən üstün tutdu

24 oktyabr 2026 — Kristian Telyo El-Klasiko öncəsi Kataloniya klubunun vəziyyəti, PSJ ilə matç və Lamin Yamal haqda fikirlərini açıqlayıb. Telyo söhbətində həmçinin bazar günü, 25 oktyabrda Kamp Nouda keçiriləcək "Barselona" – "Real Madrid" qarşılaşmasına diqqət çəkib.

Telyo PSJ-yə qarşı alınan məğlubiyyəti komandanın gələcək oyununa zərər verməyəcəyini düşünür: “PSJ ilə oyunun çətin keçəcəyi əvvəlcədən məlum idi. Rəqib yaxşı formada idi və məğlubiyyət ehtimalı da var idi. Amma düşünürəm ki, həmin nəticə El-Klasikoya təsir etməyəcək”.

O, “Barselona”nın mövsüm ərzində ümumilikdə güclü təsir bağışladığını, “Real Madrid”lə qarşılaşmanın isə çempionluq yarışında əhəmiyyətli olduğunu vurğulayıb: “Bu, “Barselona” üçün çox vacib oyun olacaq. Üç xal qazanmaq rəqiblə arada ciddi fərq yaratmağa imkan verər. Ancaq düşünürəm ki, “Real Madrid” də hazırda yaxşı vəziyyətdədir. Son iki matçda çoxlu qol vurublar və özlərinə inamları yüksəkdir.”

Telyo hakimliklə bağlı mübahisələrə də münasibət bildirib və komandanın diqqətini meydandan kənara yönəltməməsinin vacibliyini qeyd edib: “Məncə, Mourinyonun istədiyi oyun məhz budur. O, həmişə diqqəti futboldan yayındırmağa çalışıb. Buna görə də “Barselona” yalnız qarşısındakı oyuna köklənməlidir”.

Keçmiş yarımmüdafiəçi ayrıca Qızıl Top mübarizəsinə münasibətində Lamin Yamanı Kilian Mbappedən üstün saydığını deyib: “İndi Lamin Yamalın zamanıdır. Mbappe böyük futbolçudur, amma məncə, ən yaxşısı Lamindir”.

Telyo həmçinin Kərim Adeyemi və Entoni Qordonun Flikin hücum futboluna yaxşı uyğunlaşdığını qeyd edib: “Onların hər ikisi çox yaxşı futbolçudur və məşqçinin tələblərinə əla uyğunlaşıblar. Komandaya sürətli, cinahlarda yaxşı oynayan futbolçular lazımdır.”

Mənbə: GettoSport