Kriştiano Ronaldo mineral su brendinə 10 milyon avro yatırdı

Portuqaliyalı futbolçu Kriştiano Ronaldo 17 oktyabr 2026-cı il tarixində yeni mineral su brendinə 10 milyon avro investisiya qoyub; layihəyə eyni məbləğ yatıran Grupo Outeirinho ilə birlikdə ümumi vəsait 20 milyon avroya çatır. Ronaldo layihənin 50 faizinə sahib olacaq.

Zavodun tikintisi Portuqaliyanın Braqansa bələdiyyəsinə daxil olan Qoştey yaşayış məntəqəsində aparılır. Müəssisənin hazırlandığı obyekt mineral suyun qablaşdırılması üçün nəzərdə tutulub və məhsulun həm daxili, həm də beynəlxalq bazarlara çıxarılması 2027-ci ilin sonuna planlaşdırılır.

Layihənin vizual dizayn işlərini İtaliya dizayn şirkətlərindən biri həyata keçirir. Grupo Outeirinho bildirir ki, mərhələli reallaşma nəticəsində onlarla yeni iş yeri yaradılacaq; şirkət Portuqaliya su bazarının 45 faizinə sahibdir.

Qeyd edilir ki, Kriştiano Ronaldo daha əvvəl də mineral su biznesində iştirak edib: o, 2023-cü ilin iyununda Madriddə təqdim olunan Ursu9 mineral su brendinin də şəriki olub.

Mənbə: GettoSport