Lakrua zədə səbəbindən ilin sonuna qədər oynaya bilməz

30 oktyabr 2026 — "Çelsi"nin 26 yaşlı müdafiəçisi Maksans Lakrua İngiltərə Liqa Kubokunun 1/8 finalında "Liverpul"la keçirilən matçda aldığı zədə səbəbindən ilin sonuna qədər komandasının heyətində çıxa bilməz. Bu barədə Offsideplus.az məlumat yayıb.

Həmin görüş normal vaxtı 1:1 hesabı ilə bitib, penaltilər seriyasında "Çelsi" 5:6 hesabı ilə uduzub. Baş məşqçi Xabi Alonso əvvəlcə futbolçunun millilərin oyunlarına qədər meydana çıxmayacağını bildirmişdi, lakin talkSPORT-un məlumatına görə tibbi müayinələr Maksansın bud əzələsində üçüncü dərəcəli yırtıq olduğunu göstərib.

Hazırda müdafiəçinin reabilitasiya planı dəqiqləşdirilir, ancaq onun ən azı on həftə yaşıl meydanlardan uzaq qalacağı gözlənilir və bu səbəbdən 2026-cı ilin sonuna qədər oynamaması ehtimal olunur.

Bu mövsüm Lakrua "Çelsi"nin bütün 11 görüşündə iştirak edib; Premyer Liqada keçirilən səkkiz qarşılaşmanın yeddisində isə əsas heyətdə yer alıb.

Mənbə: Offsideplus.az

Hazırladı: GettoSport