Azərbaycan U-15 dünya çempionatında Mozambiklə oynayacaq

29 oktyabr 2026 — Bakıda təşkil olunan FIFA U-15 dünya çempionatı və festivalında Azərbaycan U-15 millisinin növbəti oyunu bu gün keçiriləcək. Famil Xəlilovun çalışdırdığı komanda C Divizionunda Mozambik yığması ilə qarşılaşacaq. Oyun Hövsan Yarış Kompleksində saat 11:30-da başlayacaq.

Cütün qalibi Kuba ilə Vyetnam qarşılaşmasının qalibi ilə üz-üzə gələcək. Məğlub tərəf isə həmin kubokda uduzan komanda ilə qarşılaşacaq; məğlublar saat 18:15-də, qaliblər isə 19:30-da münasibətlərini aydınlaşdıracaqlar.

Azərbaycan millisi qrup mərhələsini AF qrupunda 9 xalla üçüncü pillədə başa vuraraq C Divizionuna yüksəlib. Qrup oyunlarında Timor-Lesteni 6:0, Andorranı 1:0 və İsraili 3:1 hesabları ilə məğlub edib. Komanda Avstraliyaya 1:3 və Haitiyə 0:4 hesabı ilə uduzub.

C Divizionundakı ilk görüşdə yığmamız Çiliyə 1:3 hesabı ilə məğlub olub, Cəbəllütariqə isə 5:1 hesabı ilə qalib gəlib.

Mənbə: GettoSport