Lixtenşteyn Bakıda 0:0-la ilk xallarını qazandı

Lixtenşteynin yarımmüdafiəçisi Aron Zele Bakıdakı D2 Millətlər Liqası qrup mərhələsinin Azərbaycanla oyununda 0:0 hesablı heç-heçə nəticəsində komandasının ilk xallarını qazandığını vurğulayıb.

O, qarşılaşma barədə danışarkən rəqibin güclü heyətə malik olduğunu, kimlə üz-üzə gələcəklərini bildiklərini və ona uyğun hazırlaşdıqlarını söyləyib: "Əla oyunçuları olan güclü bir komandaya qarşı oynadıq. Kimlə qarşılaşacağımızı bilirdik, ona görə də buna uyğun hazırlaşdıq. Bu matçda xal qazana biləcəyimizə inanırdıq. Əlimizdən gələni etdik."

Zele matçın komanda üçün çətin keçdiyini, nəticədən məmnun olduqlarını və 18 oyundan sonra ilk xalları qazanmağın xoş olduğunu əlavə edib: "Oyun bizim üçün çox çətin keçdi. Nəticədən məmnunuq. Məqsədimizə çatdıq. 18 oyundan sonra ilk xalımızı qazanmaq xoşdur. Bu nəticə bizim üçün böyük uğurdur".