Mauro İkardi Qalatasaraya geri qayıtmaq istəyir

Argentinalı hücumçu Mauro İkardi sabiq komandası Qalatasarayla yenidən görüşlərə başlayıb. Türkiyə mətbuatının məlumatına görə, İkardi İstanbul təmsilçisi ilə danışıqları bərpa edib və komandasına qayıtmaq istədiyini bildirir.

Klubsuz olan təcrübəli forvard Qalatasaraydan ayrıldıqdan sonra bir neçə klubdan təklif alıb. İkardiyə Tottenham, PAOK, Elche, Everton, Betis, Benfica və Sao Paulo kimi klublardan maraq göstərildiyi qeyd olunur.

İddiaya görə, İkardinin prioriteti sabiq klubunda oynamaqdır, lakin ona gələn təklifləri də nəzərdən keçirir. Danışıqların gedişi və mümkün razılaşma barədə indiyə qədər rəsmi açıqlama verilməyib.

İkardi karyerası boyunca fərqli Avropa komandalarında çıxış edib və son dövrdə klubdan ayrıldıqdan sonra sərbəst agent kimi qalır.