Maykl Kerrik nəticələrdən narazıdır, vəziyyəti dəyişəcəyik

9 noyabr 2026 — "Mançester Yunayted"in baş məşqçisi Maykl Kerrik Premyer Liqanın 10-cu turunda "Aston Villa" ilə keçirilən heç-heçədən (4:4) sonra komandanın vəziyyəti və azarkeş dəstəyi barədə danışıb. Bu barədə Offsideplus.az məlumat yayıb.

Kerrik bildirib ki, həm komandanın cari vəziyyəti, həm də nəticələr onu qane etmir: "Hazırda noyabrdır və nə vəziyyət, nə də nəticələr məni qane etmir, amma biz bu durumu dəyişə bilərik".

Baş məşqçi azarkeşlərin oynayışa verdiyi dəstəkdən danışaraq onların daim komandanın yanında olduqlarını vurğulayıb: "Azarkeşlər oyunçuları dəstəkləyir, daim komandanın yanındadırlar və bizdən qarşılıq gözləyirlər. Bəzən məyusluq və narazılıq yaranır – biz də bunu hiss edirik, amma azarkeşlər sona qədər bizimlə oldular. Onların dəstəyini hər zaman duyuruq".

KerriK həmçinin istefa ehtimalını rədd edib: "Bu, baş verməyəcək. Belə söhbətlərin aparılması düzgün deyil. "Mançester Yunayted" kifayət qədər oyun qazanmayıb, amma biz çatışmayan məqamları düzəldib qələbələr qazanmağa başlayacağıq".

O, "Aston Villa" ilə oyunda son dəqiqələrdə qələbə şansını əldən verdiklərini və müdafiədə asan qol buraxmağın işlərini çətinləşdirdiyini də söyləyib: "Sonda qalib gələ bilərdik – alınmadığı üçün məyusam. Qapımıza asanlıqla qollar buraxmaqla işimizi çətinləşdiririk".

Hazırkı məqamda "Mançester Yunayted" Premyer Liqada 10 turun yekununa görə turnir cədvəlində 18-ci sırada yerləşir ki, bu, son 40 ildə komandanın həmin mərhələdəki ən zəif göstəricisidir.

Mənbə: Offsideplus.az

Hazırladı: GettoSport