Mbappe şəxsi həyatı və təzyiqlə mübarizədən danışdı

19 oktyabr 2026 — Fransa millisinin və Real Madrid-in hücumçusu Kilian Mbappe şəxsi xarakteri, həyatdan məmnunluğu və üzərindəki təzyiqlərlə necə mübarizə apardığı barədə səmimi açıqlamalar verib.

Mbappe özünü müxtəlif mühitlərə uyğunlaşa bilən biri kimi təqdim edib: "Mən sadəcə hər yerə, istənilən şəraitə uyğunlaşa bilən biriyəm. Amma bu, məni xameleon etmir – mən dünya insanıyam. Uşaqlıqdan çox səyahət etmişəm, müxtəlif mədəniyyətlərlə tanış olmuşam və öz prinsiplərimə uyğun olanları mənimsəmişəm." O, həmçinin həyatsevər olduğunu və daim irəliyə baxdığını vurğulayıb.

Futbolda uşaqlıq arzusuna çatdığını bildirən Mbappe deyib: "Həmişə arzuladığım həyatı yaşayıram. Futbolçu olmaq istəmişdim və buna nail olmuşam." O, karyera yolu boyunca qarşılaşdığı çətinliklərə baxmayaraq "hər həftə ən yüksək səviyyədə meydandayam" və həyatda əldə etdiyi ilə kifayətlənməyi bildiyini əlavə edib.

İctimaiyyətin onu ideal hesab etməsinə münasibət bildirən ulduz qeyd edib: "Məni ideal hesab edənlər yəqin ki, televizora baxmırlar (gülür). Çünki dəfələrlə səhv etmişəm və bu, məni narahat etmir. Televizor insanı tam əks etdirmir, ona görə də tamaşaçıların qiymətləndirməsi bəzən reallıqdan uzaq olur."

Mbappe milyonlarla insanın təzyiqi ilə bağlı belə danışıb: "Sakitliyi qorumaq lazımdır. Mən bəzi şeyləri başqalarından ağıllı olduğum üçün yox, sadəcə fərqli təcrübə yaşadığım üçün anlayıram. Mənim həyatımda baş verənlər hər kəsin başına gəlmir. Bu təcrübəni yaşamaq mənə nəsib olub – bu, məni nə daha ağıllı edir, nə də savadlı, sadəcə fərqli edir."

Mənbə: GettoSport