Messi gənc vaxtı ingilis öyrənmədiyinə görə peşman olduğunu dedi

12 oktyabr 2026 — Futbol əfsanəsi Lionel Messi Meksikanın Miró de Atrás podkastına verdiyi müsahibədə gənc vaxtı ingilis dilini öyrənməməyindən peşman olduğunu bildirib.

Messi müsahibədə keçmişdə buraxdığı bu səhvə görə dərin təəssüf hissi keçirdiyini vurğulayıb. O, uşaq ikən ən azından təməl səviyyədə oxumağa vaxtı olduğunu, amma bunu etmədiyini söyləyib.

"Bir çox şeyə görə peşmanam. Ən böyük təəssüfüm uşaq ikən ingilis dilini öyrənməməyimdir. Ən azından təməl səviyyədə oxumağa zamanım var idi, amma bunu etmədim. İndi buna görə dərin peşmanlıq çəkirəm."

Messi həmçinin böyük şəxsiyyətlərlə görüşlərdə dil bilməməyin ona narahatlıq yaratdığını etiraf edib:

"Görkəmli və möhtəşəm şəxsiyyətlərlə bir araya gəldiyim, söhbət etmək istədiyim vəziyyətlər olub, lakin dili bilmədiyim üçün özümü sanki savadsız kimi hiss etmişəm. Həmişə düşünürdüm: 'Nə qədər axmaqlıq etmişəm, vaxtımı necə boşa xərcləmişəm'."

Uşaqlarına və gənc nəsilə məsləhət verən Messi onları yaxşı təhsil almağa, oxumağa və imkanlardan istifadə etməyə çağırıb: "Bu gün eyni şeyi öz uşaqlarıma deyirəm: yaxşı təhsil alsınlar, oxusunlar və hazır olsunlar. Həmişə övladlarıma əllərindəki imkanlardan istifadə etməyi tapşırıram. Onların imkanları mənim uşaqlıq dövrümlə müqayisədə çox fərqlidir."

Mənbə: GettoSport