Messi necə yadda qalmaq istədiyini açıqladı

24 oktyabr 2026. İnter Mayami-nin hücumçusu Lionel Messi gələcək futbolsevərlərin onu necə xatırlamasını istədiyindən danışıb.

Öz irsi və karyerası barədə danışarkən Messi bunları söyləyib: “Məni necə xatırlamalarını istərdim? Həmişə məqsədlərinə çatmaq və xəyallarını gerçəkləşdirmək üçün mübarizə aparan böyük bir idmançı kimi. Bəzən istədiyimə nail ola bilirdim, bəzən isə yox, amma qarşıma çıxan hər şeyi qazanmaq üçün cəhd etməkdən heç vaxt vaz keçmədim”.

Messi hazırda İnter Mayami-də çıxış edir və karyerası ərzində bir sıra uğurlara imza atıb. O, səkkiz dəfə Qızıl top mükafatına layiq görülüb. Futbolçu 2000-ci ildə Barselonanın aşağı yaş qruplarına qoşulub və 2004–2021-ci illərdə Kataloniya klubunun əsas komandasında oynayıb.

Karyerası boyunca Messi ümumilikdə 35 titul qazanıb; onlardan 10-u İspaniya çempionluğu, 4-ü isə Çempionlar Liqası qələbəsidir.

Mənbə: GettoSport