Neftçi FIBA Avropa Kubokunda 4-cü məğlubiyyətini aldı

2 noyabr 2026 — "Neftçi" basketbol klubunun baş məşqçisi Konstantinos Vasiliadis FIBA Avropa Kubokunun qrup mərhələsi çərçivəsində Rumıniyanın "Oradea" klubuna Bakı İdman Sarayında 83:99 hesabı ilə uduzduqları görüşü şərh edib və komandasının ardıcıl dördüncü məğlubiyyətini dəyərləndirib. Bu barədə Sportinfo.az məlumat yayıb.

Vasiliadis İdman.Biz-in sualını cavablandırarkən müsbət nəticə üçün oyunçuların bütün matç ərzində maksimum diqqəti saxlamalı olduğunu vurğulayıb: “Mən oyunçularıma daim deyirəm ki, hər matça 100 faiz hazır olmaq lazımdır. Əgər 99 faiz hazırsansa, istədiyin nəticəni əldə edə bilməyəcəksən.”

Baş məşqçi bildirib ki, komandaya rəqiblər barədə videomateriallar və geniş təhlillər təqdim edilir, lakin əsas problem oyun səviyyəsinin 40 dəqiqə ərzində sabit saxlanılmamasıdır: “Basketbol 10-15 dəqiqə deyil, 40 dəqiqə davam edir. Oyunçu bütün bu müddət ərzində mübarizəyə tam hazır olmalıdır... meydana çıxanda bir dəqiqəni belə itirmək olmaz. Buna görə də hazırlıq və fədakarlıq 100 faiz olmalıdır.”

Bu məğlubiyyətlə "Neftçi" qrup mərhələsində dörd xalla sonuncu yeri tutur.

Mənbə: Sportinfo.az

Hazırladı: GettoSport