Nilufər Ağazadə Turanın Çempionlar Liqası hədəflərini açıqladı

6 oktyabr 2026-cı il tarixində “Turan” voleybol komandasının üzvü Nilufər Ağazadə CEV Çempionlar Liqasında iştirakla bağlı gözləntilərini bölüşüb.

Voleybolçu bölgə təmsilçisinin mətbuat xidmətinə açıqlamasında turnirdə ilk dəfə çıxış etmələrinə baxmayaraq, yüksək nəticələr hədəflədiklərini bildirib. O, yaxşı təlim-məşq toplanışları keçdiklərini, bir neçə ölkədə olaraq yoxlama oyunları oynadıqlarını və əsas məqsədlərinin Çempionlar Liqasına tam hazırlaşmaq olduğunu qeyd edib: “Hədəfimiz mərhələni keçmək olacaq”.

Qeyd edək ki, “Turan” CEV Çempionlar Liqasının ikinci təsnifat mərhələsində “Mladost” kollektivi ilə üz-üzə gələcək. Tərəflər arasında baş tutacaq ilk görüş oktyabrın 20-də Tovuz Olimpiya İdman Kompleksində təşkil olunacaq və saat 19:00-da başlayacaq.