Pierluigi Collina Azərbaycan hakimlərini yüksək qiymətləndirdi

10 noyabr 2026 — FIFA Hakimlər Komitəsinin sədri Pierluigi Collina AFFA-nın baş katibi Cahangir Fərəcullayevə ünvanladığı rəsmi məktubda Azərbaycanda keçirilmiş FIFA U-15 dünya çempionatı və festivalında hakimliyin yüksək səviyyədə təşkil olunduğunu qeyd edib. Bu barədə Sportinfo.az məlumat yayıb.

Məktubda yarışlarda hakimliyin “yüksək standartlara uyğun təşkil edilməsi və oyunların peşəkar səviyyədə idarə olunması” xüsusi vurğulanıb. Collina yazıb: “Belə mühüm tədbirin uğurla həyata keçirilməsi yalnız peşəkar hazırlıq, yüksək təşkilatçılıq bacarığı və fədakar komanda işi sayəsində mümkün olub. Bu baxımdan AFFA-nın Hakimlər Komitəsi və Hakimlər Departamentinin göstərdiyi səyləri xüsusi qeyd etmək istəyirik.”

Collina həmçinin hakimliyin təşkili və oyunların idarə olunmasında iştirak edən bütün AFFA əməkdaşlarına, xüsusilə azərbaycanlı futbol hakimlərinə tədbirin uğurla keçirilməsinə verdikləri töhfəyə görə təşəkkürünü çatdırıb. Mətbuata verilən məlumata görə, yarışın oyunlarında ümumilikdə 86 hakim çalışıb: onlardan 80-i azərbaycanlı, 3-ü Gürcüstan, 3-ü isə Türkiyə nümayəndəsi olub.

Mənbə: Sportinfo.az

Hazırladı: GettoSport