Piero İnkapiye Barselonanın qış transfer hədəfidir

3 noyabr 2026 — Kataloniya klubu qış transfer pəncərəsində Arsenalın mərkəz müdafiəçisi Piero İnkapiyeni heyətinə qatmaq niyyətindədir. İnkapiye Barcelona idman direktoru Dekunun prioritet transfer hədəflərindən biridir və klub onunla ilkin əlaqə qurub. Bu barədə Offsideplus.az məlumat yayıb.

Klub rəsmilərinin məlumatına görə həm Deku, həm də baş məşqçi Hansi Flik oyunçunun universal olmasını müsbət qiymətləndirir — İnkapiye həm mərkəzdə, həm də sol cinahda çıxış edə bilir. Bu mövsüm İngiltərə Premyer Liqasında o, cəmi 4 oyunda meydana çıxıb və orta hesabla 11 dəqiqə oynayıb.

Barcelona nümayəndələri futbolçunun agentləri ilə ilkin təmas zəminində olub və əsas məqsəd İnkapiyenin klubunu dəyişməyə hazır olub-olmadığını öyrənmək, yanvarda mümkün transferi müzakirə etməkdir. Hazırda Arsenalın baş məşqçisi Mikel Arteta İnkapiyeni əsas heyətin üzvü kimi görməsə də, yanvar pəncərəsində komanda ilə yolları ayırmağa həvəsli deyil.

Əlavə olaraq, Barcelona müdafiə xəttini gücləndirmək üçün başqa variantları da nəzərdən keçirir — qış transfer siyahısında Interin mərkəz müdafiəçisi Alessandro Bastoni də yer alır.

Mənbə: Offsideplus.az

Hazırladı: GettoSport