Pulişiç Milanla müqavilənin uzanmasını istəyir

29 oktyabr 2026 — Kristian Pulişiç daha bir neçə il Milan forması altında qalmaq istədiyini açıqlayıb. The Athletic-ə istinadən xəbər verilir ki, oyunçu və klub arasında müqavilənin uzadılması ilə bağlı danışıqlar artıq son mərhələyə yaxınlaşıb.

Pulişiçin indiki müqaviləsi 2027-ci ilin yayına qədərdir, klubun isə müqaviləni əlavə bir il uzatma hüququ var. Hələlik yeni şərtlər rəsmi şəkildə razılaşdırılmayıb, lakin hər iki tərəf danışıqların müsbət yekunlaşacağına nikbin yanaşır.

Amerikalı hücumçu 2023-cü ildə 22 milyon avro qarşılığında Milan’a transfer olunub. O, “rossoneri” forması altında indiyədək 143 oyunda meydana çıxaraq 43 qol vurub.

Mənbə: GettoSport