Qana U-15 baş məşqçisi Fatavu Bakıda çıxışı yüksək qiymətləndirdi

6 noyabr 2026, Bakı. Qana U-15 millisi FIFA U-15 Dünya Çempionatı və Festivalında Bakıda keçirilən yarışda 7-ci yeri tutub, komandanın baş məşqçisi Salifu Fatavu isə turnirdəki performansı yüksək qiymətləndirib. Bu barədə Sportinfo.az məlumat yayıb.

Fatavu bildirib ki, komanda 10 matçın 8-də qələbə qazanıb və bu nəticəni yüksək hesab edir. Məşqçi gənc futbolçuların turnirin gərgin oyun qrafiki və yüksək intensivliyinə baxmayaraq çətinliklərin öhdəsindən uğurla gəldiklərini vurğulayıb.

Baş məşqçi həmçinin turnirin təşkilatçılığına tərif deyib: “Belə bir yarışın baş tutması dünya futbolunun gələcəyinə böyük töhfə deməkdir. Azərbaycanda olduğumuz müddətdə hər şeyin yüksək səviyyədə təşkil olunduğunu gördük. Uşaqlara yalnız oyunlara köklənmək və mübarizə aparmaq qalırdı. Əminəm ki, bu dünya çempionatından çox sayda gələcəyin ulduzu çıxacaq. Onlar arasında qanalıların olacağına da şübhə etmirəm. FIFA belə bir layihəyə start verməklə çox yaxşı iş görüb”.

Turnirdə ümumilikdə 189 komanda mübarizə aparıb.

Mənbə: Sportinfo.az

Hazırladı: GettoSport