Qaşim Maqomedov Paris Qran-prisində çıxış edəcək

Azərbaycan taekvondoçusu Qaşim Maqomedov Fransanın paytaxtı Parisdə keçirilən Dünya Taekvondo Qran-Prisində iştirak edəcək. Yarış oktyabrın 8-də start götürüb və 11-ə qədər davam edəcək; Maqomedov 58 kq çəki dərəcəsində oktyabrın 9-da tatamiyə çıxacaq.

Yarışa baş məşqçi Məmməd Abdullayev rəhbərliyi altında yollanan idmançı turnirdə ölkəmizi təmsil edəcək. Turnir Dünya Taekvondo reytinqinə təsir etdiyindən iştirakçılar Olimpiada reytinq xalları qazana bilərlər.

Həmçinin beynəlxalq dərəcəli hakim Aygül Abdullayeva da qarşıdakı Qran-pridə Azərbaycanı rəsmən təmsil edəcək.