Qəbələ baş məşqçisi Bekiri hücum çatışmazlığını etiraf etdi

7 noyabr 2026 — Misli Premyer Liqasının 11-ci turunda Zirə evdə Qəbələni 2:1 hesabı ilə məğlub edib. Oyundan sonra Qəbələnin baş məşqçisi Yeton Bekiri mətbuat konfransında komandasının çıxışını dəyərləndirib. Bu barədə Offsideplus.az məlumat yayıb.

Bekiri matçın böyük hissəsində yaxşı oynadıqlarını söyləyib, lakin fiziki çatışmazlıqlara diqqət çəkib: “Oyunun böyük hissəsində yaxşı oynadıq. Fiziki çatışmazlığımız oldu. 89-cu dəqiqədə buraxmaq pis oldu. 5 müdafiəçimiz olan yerdə qol buraxmaq yaxşı olmadı.”

Baş məşqçi həmçinin hücum xəttində problemlərin olduğunu etiraf edib və komandaya vaxt lazım olduğunu vurğulayıb: “Düzdür, hücumda çatışmazlıqlarımız var. Keyfiyyət və iş kimi baxmaq lazımdır. Zamanımız var ki, düzələk. “Zirə”ni təbrik edirəm, başabaş oynadıq”.

Bekiri, həmçinin Eşqin Əhmədovun milli komandaya dəvəti ilə bağlı fikirlərini bölüşüb: “Eşqini təbrik edirəm. Keyfiyyətli futbolçudur. Bu səviyyəyə çatmasında çox məşqçinin rolu olub”.

Mənbə: Offsideplus.az

Hazırladı: GettoSport