Qədir Həsənov menecerlik fəaliyyətinə başladı

22 oktyabr 2026 — Qədir Həsənov, uzun illər Neftçi klubunda çalışdıqdan sonra menecerlik fəaliyyətinə başlayıb. O, ötən ilin sentyabr ayında klub rəhbərliyi ilə fikir ayrılığı səbəbindən Neftçi-dən ayrılıb.

39 yaşlı funksioner Sadıq Sadıqovun rəhbərliyi dövründə Neftçi-də müxtəlif vəzifələrdə təxminən 15 il çalışıb. Klubdan ayrılandan sonra Həsənov futboldan uzaqlaşmayıb və peşəkar menecer kimi yeni istiqamət seçərək Yunanıstanda fəaliyyət göstərən tanınmış agent şirkətlərindən biri ilə əməkdaşlığa başlayıb.

Həsənovun məqsədi azərbaycanlı futbolçuların xarici klublara transferinə kömək etmək və eyni zamanda yüksək səviyyəli legionerlərin Azərbaycana gətirilməsində vasitəçilik etməkdir. Onun menecer kimi ilk uğurlarından biri Murad Məmmədovun Pafos klubuna keçidinə göstərdiyi dəstək olub.

Hazırda Həsənov Əli İbrahimi Yunanıstanın nəhəng klubu Olimpiakosun düşərgəsinə baxışa yollanmasında köməklik göstərir; Əli İbrahim U-20 millisinin üzvüdür. Bundan əlavə, Həsənovun maraq dairəsində Rza Cəfərov, Edqar Adilxanov və Şahin Şahniyarov kimi futbolçuların adları da yer alır.

Gələcəkdə onun menecer kimi hansı uğurlara imza atacağı zamanla aydınlaşacaq.

Mənbə: GettoSport