Riad Rəfiyev Nihadın əvəzediciyə göndərilməsini izah etdi

10 oktyabr 2026-cı il, Sumqayıt — Sumqayıt klubunun prezidenti Riad Rəfiyev Misli Premyer Liqasının VII turunda evdə Qəbələyə qarşı qazanılan 4:1 hesablı oyundan sonra Nihad Əhmədzadənin əvəzedici komandaya göndərilməsi ilə bağlı açıqlama verib.

Rəfiyev çıxışına “Məqsədimiz onu qorumaqdır” sözləri ilə başlayıb və mətbuatda yayılan Nihadın klubla müqavilə imzalamaq istəməməsi iddialarını rədd edib: “Belə bir şey yoxdur. Nihadin klubumuzla 2028-ci ilə qədər müqaviləsi var.”

Prezidentin sözlərinə görə, Nihadın əvəzediciyə göndərilməsinin səbəbi müqavilə yox, nizam-intizam və şəxsi davranışlarla bağlıdır: “Nihad da, yaxınları da bunun səbəbini çox gözəl bilirlər. Ümid edirəm ki, hələ gec deyil və Nihad etdiyi səhvləri anlayaraq meydandan kənardakı həyat tərzində müəyyən dəyişikliklər edəcək”.

Rəfiyev həmçinin qeyd edib ki, klub rəhbərliyi gənc oyunçuların arxasında durmağa davam edəcək, lakin son vaxtlar Nihadla bağlı daxil olan məlumatların “çox pis” olduğunu və təəssüf ki, həmin məlumatların doğru olduğunu vurğulayıb.

Qeyd edək ki, Sumqayıt 10 oktyabr 2026-cı il oyunda Qəbələni 4:1 hesabı ilə məğlub edib.

Mənbə: GettoSport