Roberto Karlos saxta məşqçilik lisenziyaları qalmaqalında adlandırıldı
Braziliya mətbuatına görə, sabiq futbolçuların adları Argentinada saxta məşqçilik lisenziyalarının satışı ilə bağlı araşdırmada çəkilir; ATFA iddiaları təkzib…
GettoSport redaksiyası••1 dəq oxu
10 oktyabr 2026 — Braziliya nəşrinə görə, sabiq futbolçu Alexandro Mankusonun Argentinanın Məşqçilər Assosiasiyasına (ATFA) aid lisenziyaları dərs və imtahan olmadan satdığı iddiası gündəmə gəlib. İddia çərçivəsində Roberto Karlos, Tiaqo Silva və Felipe Melo da daxil olmaqla bir neçə tanınmış futbolçunun adları çəkilib.
İddialara görə, Mankuso oyunçulara C, B, A və PRO kateqoriyalarını əhatə edən paket şəklində lisenziyalar təklif edib. Paket üçün təxminən 100 min Braziliya realı məbləği qeyd olunub — bu, təxminən 34 min manat təşkil edir.
Araşdırmada adı hallanan digər futbolçular arasında Dieqo Luqano, Deyan Petkoviç, Luis Qustavo və Aleks de Souza göstərilib. Argentinanın Məşqçilər Assosiasiyası isə Mankusonun qurumla bağlı olmadığını və onun təqdim etdiyi sənədlərin saxta olduğunu bildirib.
Mankuso isə ona qarşı irəli sürülən məşqçilik lisenziyalarının satışı ittihamlarını rədd edib. Hadisənin bundan sonrakı gedişi barədə əlavə açıqlama verilməyib.
